Diya, ek bhaut hi ambitious ladki hai. Jaipur city se belong karti hai.. family me uske ma papa aur 3 bhai behen.. waise to wo joint family me rhti hu kyuki uski mummy aur badi mujhe sagu behne thi. Isliye dono ki family sath rhti hai ek hi chhat k neeche.. Diya k papa apni khud ki ek shop chalate hai. Aur akele hi ghar chalane wale person hai. Is mehengai k daur me unhone ghar kaise chalaya. Teen baccho ko kaise paal posh k bada kiya. Unko achhi education dilai.. kitna struggle kya . Ye wo bhaut achhe se janti hai aur samjhti h.. isiliye usne thaan liya tha ki wo jeevan me kuch aisa kaam karegi jisse uske papa ko us par garv ho aur wo Ghar kharch me uske papa ki madad kar sake.. isliye apni padhai puri karne k baad usne private school me job k liye interview diya .. interview official work k liye tha. Uska selection hua 10000 rs monthly me.. wo bhaut khush thi..
Usne job jana shuru kiya . Halanki usne phli bar job ki thi to use kuch samjh me nhi aa raha tha. Wo jaise hi school building me enter hui, school k director, principal aur coordinator coridor me khade the.. unhone Diya se pucha aapko kisse milna hai. Diya ne kaha use kisi se milna nhi hai. Uski aaj yaha joining hai. Uska interview me selection ho gya tha. Aaj se join karne ko kaha h.. Ye sun kar director sir me reception se receptionist ko bulaya aur use andar le jane k liye kaha.. receptionist aayi aur Diya ko andar le gyi. Office me Diya ko accounts section me bithaya gya aur kaam karna sikhaya gya . Accounts section me pura cash ka kaam hota tha.. Diya ko to note ginne tak nhi aate the. Cashier sir ne usko note ginna bhi dikhaya aur data entry bhi sikhai.. dekhte hi dekhte Diya accounts k kaam me ek dam parfect ho gyi..
Usne apni phli salary ka cheque apne papa ko diya. Papa ne bhaut proud feel Kiya . Aur Diya ko dher sara aashirwad bhi diya. Uski mummy ne kaha ki pehli salary h bhagwan ko prasad chadhana chahiye.. Diya papa k sath pas hi k Ganesh mandir gyi aur waha par Prasad chadhaya aur sabko baanta.. sab bhaut khush the. Aur Diya. Diya k man ka diya jal utha tha.. uske sapno ki ek seedhi usne paar kar li thi.
