शहीद जगदीश बिश्नोई

Jai Hind सीमा ऊपरो सूरमो, रण लङियो कर सीस ! बिश्नोई बीकाणे रो, झङ पङियो जगदीश !! उजल इल कीधी अडर , सधर दियो धर सीस ! बिश्नोई बंको मरद, जंग निसंक जगदीश !! कीर्त कमाणी सहल की, आणी मरण इकीस ! अछर उमाणी देख इम, जांभाणी जगदीश !! सकङ सपूती राख, नर रजपूती नाम ! मजबूती जगदीश मन, कर अदभूती काम !! जग नर चावो जेगलो, हर हर कीधो हेर ! घर ठावो जगदीश धिन, मर शिव माल सुमेर !! गाढा नर घर गोगली, आगे हुवा अभीत ! बिश्नोई जगदीश बा, रसा रखी मर रीत !! मरणो इकदिन माननै, अपणा जोयर अंक ! जुपियो जद जगदीश जंग, सुरो धरण निसंक !! नह डरियो जगदीश नर, मरियो मग वरियाम ! मरियो धर हित मातरै, करियो अदभूत काम !! 💐💐💐💐💐💐💐💐💐💐💐💐