जीएसटी!
हाँ ! भइया जीएसटी आई है
सुना है भइया जीएसटी आई है।
साहब कहत हैं गुड़ और सिंपल टैक्स है
अउर सब के मन का खूब लुभाई है।
हाँ ! भइया जीएसटी आई है
सुना है भइया जीएसटी आई है।।
नवा कानून है भाई
व्यापारी कै व्यापार बढ़ जाई
वित्त मंत्री दिहिन बताई
सीए, वकील, अकाउंटेंट कै बहुतै कमाई है।
हाँ! भाई जीएसटी आई है
सुना है काका जीएसटी आई है।।
पप्पू भइया दिहिन सुनाई
ई तौ गब्बर सिंह टैक्स है भाई
व्यापारी कै यहमा बहुतै खिंचाई है।
हाँ ! भइया जीएसटी आई है
सुना है भइया जीएसटी आई है।।
पेट्रौल, शराब का दिहिन हटाई
कपडा - लत्ता का दिहिन बढ़ाई
अरे भइया सेनेटरी पैडवौ पै जीएसटी लगाई है।
हाँ ! भइया जीएसटी आई है
सुना है भइया जीएसटी आई है।।
सीए साहब कहत हैं भाई
रिटर्न भर - भर के जिव अकुलाई है
आगेव फिर बदलाव के बरे मीटिंग बुलाई है।
हाँ ! भइया जीएसटी आई है
सुना है भइया जीएसटी आई है।।
@ अवनीश शुक्ला "नान्ह"
