Tu kaun des se aaya h?

Tu kaun des se aaya h?

 Tu kaun des se aaya h?

 Kuch to keh na uske  baare mein

 Tu jaun des se aaya h.

 

 Main bhi to jaanu

 Kitni sundar hai

 Woh mitti

 Woh des tera?

 Tu jaun des se aaya h.

 

Kya batalaun tujhko raahi

 Main kaun des se aaya hun.

 Kya batalaun uski gaatha

 Main jaun des se aaya hun.

 

Lafz hi kam pad jaayenge

 Waqt bhi tham jaayega 

 Jab bolunga main tujhko ki

 Main kaun des se aaya hun.

 

Par poonch liya jo tune ye

 To main tujhko batlata hun

 Veeron ki uss dharti ki

 Tujhko bhi katha sunata hun

 Jab jaanega tab manega 

 Main jaun des se aaya hun.

   

Yeh veer  dhara paavan dharti

Iski anmit ye gaatha hai

Nimish matra ye manav h

Phir bhi tujhko sunata hai

Sindhu ghati ki sabhyata hai

Jo aaj iski dharohar hai

Yeh bhoomi swarg ki dharni hai

Ganga prem ka sarovar hai

 

Aakar sabse pehle jahan 

 Surya ka lauh phat ta hai

 Saare jag mein sabse pehle 

 Bhor jahan par jagta hai

 Woh BHARAT hi h des mera

 Main jaun des se aay hun.

 

Jiske charan kamal pakhaar kar

 Sagar bhi josh mein aata hai

 Lehron ki garjan bhi jag mein

 Hind naam pukarti hain

 Bhoo-bhaag wohi h BHARAT ka

 Main jaun des aaya hun.

 

Jiske mastak par khada himalaya 

 Dhaal sada bana hua h

 Har dushman ko rok rha ye

 Seena taane khada hua h

 

Jis BHARAT ko sada bachati ye

 Sindhu nadi mahadani h

 Har hamle ko sehkar bhi

 Rachdi durlabh kahani h

 Sikander kya Mangol bhi

Isse dar jaate hai

Woh kya khud unki sena bhi

Sindhu ko paar  na paati h.

Sun raahi us ajay bhoomi ki gaatha

Main jaun des se aaya hun.

 

Ab sun le raahi woh geet zara

Jo geet humein sikhaya hai

Prem,ekta,balidaanon ka

Paath humein padhaya hai.

Baar  baar naman unn guruon ko

Jisne humko sikhlaya hai.

Woh dharni gyaan ka sagar hai

Main jaun des se aaya hun.

 

Ab ek nazar daalo uss par

Jisne jeena sikhlaya hai

Jeevan ke mulyon se

Humko avgat karaya hai

Geeta,Quran,Bible ho ya

Ho Ramayan  

Ved ho ya ho puran

In sabhi granthon ne hamare

Jeevan ko aasan banaya hai.

 

Chal antt kar ab ye gaatha

Main sunkar vyakul ho utha

Samajh kar tere uss des ko

Main bhram ke madd se so utha.

Ab aage katha tu mat hi suna

Main pagal hi ho jaunga

Jab tak khud na dekhlun

Ab chain kahan main paaunga

Main jaan gaya main maan gaya

Tu kitna hi baddbhaagi hai

Tere dharti ki gatha kitni

Manoram aur anuraagi hai.

Duniya bhi uska loha maanti hai

TU JAUN DES SE AAYA HAI.

 

Ab to tune maan liye

Ab to tune bhi jaan liya

Kitna sundar h woh

Woh swarg mera

Main jaun des se aaya hun.