आज की लाचारी (नोट समस्या)

काव करै जनता बेचारी । रुपयवा मिलै ना उधारी॥ सबही का सौ सौ कै रुपयय तौ चाही । लियै का हजारा कराथे मनाही ॥ कइसे का होये किसानी, रुपयवा मिलै ना उधारी पाँच सौ हजारा कै छूट गयल माया । दुर्गति जिनगिया भय नयी नोट छाया ॥ पँचसउवा लियै ना भिखारी रुपयवा मिलै मा उधारी ॥ गेंहूँ अव सरसौ कै मूडे बोवाई । कइसे का खेतवा मा मुठिया छिटाई ॥ रहि जाये बिटिया कुँवारी रुपयवा मिलै मा उधारी । लिखै साकेतपुरी बइठे दुर्गतिया । भइले तौ काम नीक बढले अफतिया ॥ खाली गरीबन कै थारी रुपयवा मिलै ना उधारी ॥ अनिल साकेत पुरी दिनांक 15/11/2016