Hi Friends, Samay Mulyvan Hai. Isliye Jaruri Hai Ki Ham Ise Jitna Jyada Se Jyada Bacha Kar Chalen Aur Iska Sahi Upyog Kar Saken.
Ham Is Chhoti Jindagi Me Samay Ko Barbad Karke Ek Achchhi Life Jine Se Chuk Sakte Hain.
Aise Me Jaruri Hai Ye Baat Jan-Na Ki Hamara Important Samay Kaha Barbad Hota Hai.
Is Se Related Aaj Main Aap Sabhi Ke Liye Ye Behatrin Post Lekar Aaya Hun Jisme Main Bataunga Wo 10 Chijon Ke Bare Me Jahan Ham Apna Sabse Jyada Samay Barbad Karte Hain.
10 Chijen Jisme Ham Apna Time Waste Karte Hain !
1. Tv Dekhna
Main Ye Puri Tarah Se Nahi Kahunga Ki Tv Dekhna Samay Ka Waste Hai. Par Tv Par Addicted Ho Jana Samay Ka Jarur Waste Hai.
Mere Anusar Tv Ek Aisa Chij Hai Jise Aap Thodi Der Dekhne Ke Liye Kholte Hain Lekin Kab Ghanton Bit Jaati Hai Hame Pata Bhi Nahi Chalta Hai.
Iske Liye Jaruri Hai Ki Ham Tv Dekhne Ko Control Karen. Ya Phir Agar Dekhen Bhi To Routine Work Se Jyada Nahi.
Main To Ise Kab Ka Puri Tarah Dekhna Chhod Diya Hai.
2. Har Kisi Ke Problem Ko Solve Karne Ki Koshish Karna
Agar Ham Vastav Me Chahte Hain Ki Samay Ka Sahi Sahi Se Upyog Kar Saken To Kuchh Logon Ko Ignore Karna Hoga.
Ham Sabhi Har Kisi Ke Problem Ko Solve Nahi Kar Sakte Hain. Kuchh Samasya Hoti Hai Jo Hamari Capcity Se Bahar Hoti Hai.
Aise Me Jaruri Hai Ki Aap Kuchh Samasyaon Ko Puri Tarah Se Ignore Kar Den.
3. Jo Aadmi Ham-Me Interest Nahi Rakhta Hai Us Aadmi Se Pyar Ki Ummed Rakhna.
Insan Ki Aadat Me Ye Sumar Hai Ki Wo Us Chij Ki Or Jyada Attract Hota Hai Jo Milna Shayad Asambhav Ho.
Ham Chahte Hain Ki Koi Khas Aadmi Hamse Pyar Kare, Baat Kare Bhale Hi Wo Aadmi Ham-Me Koi Interest Rakhta Ho Ya Nahi.
Koi Bhi Aadmi Jo Aapme Ruchi Nahi Rakhta Hai Wo Aapse Pyar Nahi Kar Sakta. Aise Me Usse Ye Ummed Rakhna Apne Samay Ki Barbadi Hi To Hai.
4. Kisi Ke Saath Is Liye Sambandh Me Rahna Taki Aap Akele Na Ho Jayen Ya Bored Na Ho Jayen.
5. Har Ek Baatcheet Me Apni Jeet Chahne Ki Koshish Karna.
6. Koi Bhi Kaam Is Liye Karna Konki Ye Aapke Friends, Paviwar Tatha Jannewalon Ko Khush Karta Hai. Bhale Hi Aap Is Kaam Se Nafrat Karte Hain.
7. Kisi Bhi Aadmi Se Phone Par Bina Kaam Ke Ghanton Baaten Karna.
8. Us Samasya Ko Baar Baar Dohrana Jise Aap Pahle Hi Solve Kar Sakte The.
9. Kuchh Jhuthi Samsyayen Bana Lena Taki Aap Vastavik Samasya Se Dur Rah Saken.
10. Apne Me Us Cheej Ko Change Karne Ke Chahat Rakhna Jise Aap Nahi Badal Sakte.
Friends, Agar Aapko 10 Chijen Jisme Ham Apna Time Waste Karte Hain ! Achhi Lagi To Please Ise Dusron Ke Saath Share Karen.
10 Chijen Jisme Ham Apna Time Waste Karte Hain ! Se Bahut Logon Ko Fayda Pahunch Sakta Hai Isliye Share Karne Me Kami Nahi Karen.
Baki Post Ke Liye Wiki Hi Se Juden Rahen. Ham Regularly Post Update Karte Rahte Hain.