"भूकंप"

दृग दिगंत भूकंप भवन्ती कदली पात हिलें अवनंती बरसे बिजली बारीश ओला कापें घर नर धरा हिलंती || हाय मनुज तुम कितने लायक खुद बन बैठे सर शिर नायक तनिक उचाट धरी धरती जब हिले गगन मंह महि-महिपालक || करि कसूर पुरुषार्थ पुकारत जिय मह खोट बिनासे हारत धरी त्रिनओट रहति वैदेही तुम काहें निज लंका जारत || स्वर्ण हिरन दशमाथ दशानन ऋषि अगस्त कर श्राप सिखावन जो जस करहिं सो तसफल चाखा कलुषित ह्रदय कुटिल मनभावन || हाहाकार केहिं कारन भ्राता पुनि आवत कल्पात निपाता अब सिख लेहु परम विज्ञानी नाहीं ते होहिं जनम उतपाता || मातु-पिता गुरू धरम सुभाहूँ आपहि बैर कब होय निबाहूँ सम समीकरण प्रकृति जगमाहूँ धरती माँ बिनु जनम की काहूँ || भूमंडल अम्बर बिन तारा जल बिनु जीवन कौने पारा अधिक बोझ भरि डूबे नैया वा मझधार भा छिछलि किनारा || सदा गगनचर उडत अकाशा बुझत आपनि पहुँच निकाशा फिरि आवत अवनी धरि धीरा संचय करत न तिमिरी प्रकाशा|| बुद्धी विवेक मानुष बलवाना हरि जाने हरि कृपा निधाना तापर बैर तिन्हहि संग ठाने छल-प्रपंच कपटी विधिनाना || भई प्रकृति विपरीत विधाना ममतामयी जीवन कल्याना हें कपूत माँ कुमाता न भवती संतुलन हेतु भूकंप रिसाना || महातम मिश्र